Norsk Drikke 2011

Fridtjovprisen


(Statuett: Geir Hjetland)


..er innstifta av Norges Bondelag og NHO Reiseliv og er den nasjonale prisen for Årets drikkeprodukt av norske råvarer.
Prisen har som formål å stimulere til vidare produktutvikling og kvalitetsheving av drikkeprodukt av norske råvarer og auke kjennskapen og prestisjen til norske drikkevarer.

Det blir tildelt medaljar for Norsk Drikke 2012 i fylgjande kategoriar/ produktgrupper:
Fruktjuice, Eplesider, Frukt- og bærvin, Øl, Fruktbrennevin, Kornbrennevin og Akevitt.

Produkt som er i vanleg sal kan delta. Kvar produsent kan stille med 2 produkt i kvar kategori. Påmelding med produktnamn må skje innan 15. oktober. Produsent er sjølv ansvarleg for å sikre produkt blir innlevert innan fristen.

Volum av kvart produkt:
1 L fruktjuice, 75 cl eplesider/ fruktvin, 2 fl øl a 33 cl, 50 cl av kvart brennevin.

Postadresse ved sending:
Kviknes Hotell
Postboks 24
6898 Balestrand.
Mrk.: Fridtjovprisen

Innlevering av produkt kan også skje direkte til resepsjonen ved Kviknes Hotell før kl. 09.00 fredag 19. oktober.

Link: Statuttar for Fridtjovprisen

Påmelding:
Arrangørkontakt for Fridtjovprisen: Åge Eitungjerde, 994 99 981 / post@balholm.no




Pressemelding 2012

Fridtjovprisen 2012 for beste norske drikkeprodukt


Fv. Merete Bø, juryleiar, Marius Egge, Egge Gard, Marit Gjerstad, NHO og Nils T Bjørke, Norges Bondelag

Egge Gård fekk Fridtjovprisen 2012 for Iseple. Produktet oppnådde 43 av 45 mulege poeng og vann gullmedalje i sin klasse – frukt og bærvin. Marius Egge takka Golfstraumen som gjer det mogeleg å dyrke frukt så langt nord og dei lyse dagane og kalde nettene som gir den unike smaken med mykje syre og sødme til norsk frukt. Han takka også kollegaer i miljøet som drar saman om å heve norsk drikke.

Fridtjovprisen vart delt ut i samband med arrangementet Norsk Drikke i Balestrand 19 oktober. Prisen er eit kunstverk av Geir S Hjetland.

I kategorien øl fekk Ægir Brenneri sølvmedalje for India Pale Ale og Kinn Bryggeri bronse for Slåtteøl.

Det Norske Brenneri i Oslo fekk to bronsemedaljar for sine Arvesølvet Fatlagret og Helt klar. I kategorien fruktjuice var det Nordre Lindheim frå Gvarv som gjekk av med sigeren for sine Eventyrmost Aroma/Gravenstein og Eventyrmost Discovery som begge oppnådde bronsemedalje i kategorien.

På fruktbrennevin vart det Ciderhuset som fekk best poengsum for sin Sogn Eple Aqua vitae, men det var ingen som oppnådde medalje her.

Det var heller ingen som oppnådde medalje i kategorien cider, men Ciderhuset med sin Økologiske stillcider og Egge Gard med sin musserande cider , tradisjonell fekk høgst score med 31 poeng.

Leiar i juryen, Merete Bø, registrerte ein stigning i kvaliteten frå året før, særleg på fruktmostane. Leiar i Norges Bondelag Nils T Bjørke og Marit Gjerstad frå NHO sa seg godt nøgde med juryen sitt arbeid og utviklinga generelt i norsk drikke. Det er likevel eit langt lerret å bleike å gjere norsk drikke til eit like naturleg val til norsk mat som utanlandske vinar.

For kommentarar:

Norges Bondelag, ved leiar Nils T Bjørke, tlf. 901 50 624
Juryleiar Merete Bø, tlf. 924 00 429


Norsk Drikke 2012 - Kontaktperson: Per Øyvind Helle, tlf. 404 02 905 / per@hipphipp.no

Logg inn | Designa og utvikla av nullstress.net